Иран: ќе одговориме одлучно на нови американски напади

Иранскиот министер за надворешни работи Абас Арагчи предупреди дека вооружените сили на Техеран ќе одговорат одлучно на секој чин на агресија, откако повторно се заострија тензиите околу извештаите за планирани нови напади.

Во порака на Телеграм по разговорот со саудискиот министер за надворешни работи Фејсал бин Фархан, Арагчи истакна дека САД, Израел и сите заливски држави што се вклучени ќе сносат целосна одговорност за какви било нови напади.

Арагчи, исто така, разговараше со турскиот министер за надворешни работи Хакан Фидан и со шефот на армијата на Пакистан, фелдмаршал Асим Мунир, кој неодамна посредуваше меѓу Вашингтон и Техеран. Во двете средби тој рече дека Иран останува одлучен цврсто да одговори на каков било напад.

Ескалации и дипломатски повици

Откако војната почна крајот на февруари, Иран често враќаше на американските напади со удари врз цели во заливските држави каде има американски воени бази; Саудиска Арабија беше цел неколку пати.

Саудискиот престолонаследник Мохамед бин Салман разговараше со американскиот претседател Доналд Трамп за да ја искаже загриженоста на кралството во врска со извештаите за планирани нови напади, велат американски извори запознаени со разговорите. Престолонаследникот го повика Трамп на деескалација.

Трамп синоќа изјави дека го ставил на чекање планираниот нов бран воени напади врз Иран поради, како што оцени, напредокот кон дипломатски договор. Тој на Truth Social наведе дека суспензијата е условена со брзо постигнување договор и рече дека американската војска е подготвена да удри со сета своја сила. Трамп го наведe како „рамките на договорот”.

Фото: прес-материјал од настанот