Италија официјално влезе во трката за ЕВРО 2032 со 14 стадиони
FIGC ѝ ја испрати на УЕФА целосната апликација со 13 градови; Рим е единствен со два предложени објекта.
Италија официјално влезе во трката за домаќин на ЕВРО 2032 откако Италијанската фудбалска федерација (FIGC) ѝ ја достави целосната документација до УЕФА. Претседателот на федерацијата, Џовани Малаго, упати официјална порака до претседателот на УЕФА, Александар Чеферин, со оценките по внатрешниот преглед на кандидатурите.
Во апликацијата се наведени 13 градови и 14 стадиони, со комбинација од реновирани арени и сосема нови проекти. Единствениот град што учествува со два објекти е Рим — со сегашниот Олимпико и предлог за нов стадион во Пјетралата.
- Бари (реновиран Сан Никола)
- Болоња (нов стадион)
- Каљари (нов стадион)
- Фиренца (реновиран Артемио Франки)
- Џенова (реновиран Луиџи Ферарис)
- Лече (реновиран Виа дел Маре)
- Милано (нов Сан Сиро)
- Неапол (Диего Армандо Марадона)
- Палермо (реновиран Ренцо Барбера)
- Рим (Олимпико и нов стадион Пјетралата)
- Салерно (реновиран Ареки)
- Торино (Стадион Алијанц)
- Верона (реновиран Маркантонио Бентегоди)
Што следи: проверки и критериуми
УЕФА сега ќе изврши потребни проверки за усогласеност на поднесените досиери. Прегледот опфаќа 11 тематски области и вкупно 120 оперативни барања — од проверка на инфраструктурната компатибилност, услуги за навивачите и пристапност, до одржливост, медиумски и радиодифузерски услови, безбедност и гостопримство.
По завршување на проверките, Италијанската фудбалска федерација ќе премине кон последната фаза — изборот на пет градови што ќе бидат официјални домаќини на натпреварите од ЕВРО 2032.
Фото: прес-материјал од настанот
