Italia zyrtarisht në garë për EURO 2032 me 14 stadiume

Italia i është futur zyrtarisht garës për të qenë nikoqir i EURO 2032 pasi Federata Italiane e Futbollit (FIGC) i dorëzoi UEFA-s dosjen e plotë. Presidenti i FIGC-së, Giovanni Malagò, i dërgoi një mesazh zyrtar presidentit të UEFA-s, Aleksander Čeferin, me vlerësimet pas rishikimit të brendshëm të aplikacioneve.

Aplikimi i Italisë përfshin 13 qytete dhe 14 stadiume, një kombinim i arenave të rinovuara dhe projekteve të reja. Roma është i vetmi qytet që paraqet dy objekte: Stadio Olimpico dhe një stadium të ri i propozuar në Pietralata.

• Bari (San Nicola i rinovuar)
• Bologna (stadium i ri)
• Cagliari (stadium i ri)
• Firence (Artemio Franchi i rinovuar)
• Gjenovë (Luigi Ferraris i rinovuar)
• Lecce (Via del Mare i rinovuar)
• Milano (San Siro i ri)
• Napoli (Diego Armando Maradona)
• Palermo (Renzo Barbera i rinovuar)
• Roma (Stadio Olimpico dhe stadium i ri Pietralata)
• Salerno (Arechi i rinovuar)
• Torino (Allianz Stadium)
• Verona (Marcantonio Bentegodi i rinovuar)

Verifikimet e UEFA-s dhe hapat e radhës

UEFA do të kryejë tash inspektimet për përputhshmëri të dosjeve të paraqitura. Kontrolli përfshin 11 fusha tematike dhe gjithsej 120 kërkesa operative, duke përfshirë përputhshmërinë e infrastrukturës, shërbimet për tifozët, aksesueshmërinë, qëndrueshmërinë, kushtet për mediat dhe transmetuesit, sigurinë dhe mikpritjen.

Pasi UEFA të përfundojë rishikimin, FIGC do të avancojë në fazën përfundimtare — përzgjedhjen e pesë qyteteve që do të jenë nikoqire të ndeshjeve të EURO 2032.

Foto: material shtypi nga ngjarja