Јордан Митев објави ученичка книшка и испрати порака за вредноста

Фолк‑пејачот Јордан Митев повторно привлече внимание на социјалните мрежи — но овојпат не со нова песна или снимки од настапи, туку со искрена објава која допре многумина.

На Фејсбук тој објави фотографија од својата ученичка книшка од четврта година во средното музичко училиште во Штип (учебна 2003/2004 година), каде се гледаат извонредни оценки по стручни предмети како Солфеж, Хармонија, Контрапункт, Кавал, Диригирање, Пијано и Музички фолклор, со забелешка за примеро однесување.

Ученичка книшка како потсетник

Митев — кој неодамна го прослави својот 40-ти роденден во родното село Подареш опкружен со сопругата Славица и дечињата Кристина и Кристијан — ја искористи фотографијата за да испрати јасна порака за вредностите и потеклото. Тој напиша:

„Кога случајно ќе си ја најдеш училишната книшка и ќе ги вратиш годините и спомените, и од 25-годишна дистанца ќе си кажеш: Еј мали, дете на работникот, добар си бил, си научил многу работи, но не си научил една важна работа… а тоа е што оваа твоја книшка, без партиска книшка, вреди – 50% па и повеќе“.

Објавата предизвика низа поддржувачки коментари од фановите и пријателите, кои го пофалија за скромноста, посветеноста и пораката дека јавната поддршка и талентот се добиваат со труд, а не со партиска припадност.

Иако имаше можност да живее во Австралија, Митев одлучи да остане и да твори во Македонија и во родниот Подареш. Со долги години на сцената, полни сали низ земјата и дијаспората и бројни хитови, тој постојано докажува дека љубовта од публиката се заслужува со искрен труд и песна.

Фото: прес-материјал од настанот