Јувентус и Борусија (Д) преговараат за позајмица на Ник Волтемаде
Италијанските медиуми јавуваат за едногодишна позајмица со надомест од околу 5 милиони евра и опција за откуп.
Јувентус преговара со Њукасл Јунајтед за ангажман на германскиот напаѓач Ник Волтемаде на една сезона, при што италијанските медиуми пишуваат за надомест околу 5 милиони евра и можност за откуп.
И Борусија Дортмунд во игра
Борусија (Дортмунд) исто така го следи 24-годишниот фудбалер. Гермaнскиот клуб бара засилување по сериозната повреда на Јанис Константелијас и го смета Волтемаде за опција за краткорочно покривање на позицијата.
Волтемаде минатото лето пристигна во Њукасл од Штутгарт за околу 75 милиони евра и има договор со англискиот клуб до 2031 година. По силниот почеток на „Сент Џејмс Парк“ постепено го загуби местото во стартната поставеност.
Според извештаите, договорот за позајмица е предвиден на една сезона, со надомест од приближно 5 милиони евра и опција за откуп. Њукасл ја разгледува можноста како дел од управувањето со големиот играчки кадар по интензивните летни трансфери.
Очекувањата се дека преговорите ќе се финализираат во наредните денови. 31.08.2026 22:00
Напишано: Сашо Кузмановски
Фото: Newcastle United (X)
