Јувентус ја потврди довербата во Лучано Спалети по новиот пораз
Клубот одржа остар разговор со играчите и ги смести во тренинг-центарот „Континаса“ пред дуелот со Наполи.
30.10.2026 — Раководството на Јувентус одржало остар состанок во тренинг-центарот „Континаса“, еден ден по поразот од Џенова, при што беше јасно искажано незадоволство од пристапот на тимот.
Во текот на разговорот, според објавените информации, играчите добиле јасно предупредување дека досегашниот пристап нема да биде толериран, но управата засега покажала поддршка за стручниот штаб и за екипата.
Од петок фудбалерите ќе останат во клупскиот тренинг-центар каде што ќе се подготвуваат за неделниот дуел со Наполи на стадионот „Диего Армандо Марадона“.
Одлуката за тренерската позиција
Според пишувањата во италијанските медиуми, засега нема да има промена на тренерот пред крајот на сезоната — намерата е Спалети да продолжи да ја извршува тренерската функција до завршувањето на шампионатот.
„Јувентус има јасна намера Спалети да остане на тренерската позиција до крајот на сезоната. И самиот тренер има голема самодоверба дека може многу брзо да го извлече тимот од кризата“, се наведува во објавата.
Фото: JuventusFC (X)
