Кадетите загубија од Украина и ја завршија групната фаза
Македонија загуби од Украина со 84-70 и ќе настапува во плејофот за 9–16 место.
Кадетската машка репрезентација на Македонија ја заврши групната фаза на Европското првенство — Б дивизија со пораз, откако беше совладана од Украина со 84-70 во дуелот за третото место во групата.
Веќе однапред беше познато дека нашите ќе продолжат во делот од турнирот за пласман од 9-то до 16-то место.
Клучна трета четвртина
Решавачкиот сегмент дојде во третата четвртина, во која Украина беше подобра со 24-10 и создаде разлика што македонските кадети не успеаја да ја намалат доволно.
Нашите момци се обидаа да се вратат во последните минути, но немаше доволно време за пресврт.
Шабани беше прв стрелец со 21 поен и 11 скока. Добра партија повторно пружи Коневски со 16 поени и 7 скока, а ист број поени забележа и Анѓеловски.
Фото: прес-материјал од настанот