Кајла Коминовска од Мелбурн: патриотска честитка за 8 Септември во народна носија

Младата и талентирана пејачка Кајла Коминовска (Кајла К.), која живее во Мелбурн, на 8 Септември — Денот на независноста — испрати емотивна честитка до нашинците ширум светот преку видео објава од својот дом.

Настап и порака

Во снимката објавена на социјалните мрежи Кајла е во раскошна македонска народна носија — елек, везена кошула и фута, ѓердан од бели бисери и цветен украс во косата — држејќи микрофон и пеејќи патриотска песна.

На нејзината празнична објава стои: "Честит празник Македонија ", а песната што ја испеа, „Оган да го гори“, допре до илјадници Македонци во дијаспората и во татковината, потсетувајќи на значењето на македонскиот идентитет и историја.

Кајла е родена и израсната во Мелбурн и наскоро ќе го прослави својот 18-ти роденден. Нејзината прва снимка е направена на 12-годишна возраст, а од тогаш таа пее исклучиво традиционална македонска музика и гради публики со специфичниот вокален колорит и изразните способности.

Обожавателите често ја нарекуваат „новата Васка Илиева“, што го илустрира нејзиниот статус на наследничка на македонскиот мелос во Австралија и нејзината улога во негувањето на обичаите и корените.

Фото: прес-материјал од настанот