Карагер тврди дека Винисиус му ја чинеше работата на Чаби Алонсо во Реал

25 август 2026. Чаби Алонсо го започна својот ангажман на клупата на Челзи со победа од 3-2 над Фулам, натпревар кој, според извештаите, дополнително ја отворил стартарата расправа за неговото откажување од Реал Мадрид претходно оваа година.

Алваро Арбеола беше оној што го презеде местото на Алонсо во Реал во јануари оваа година, што ја внесе личната нотка во приказната за двајцата поранешни соиграчи. Медиумите тогаш пишуваа за турбуленции во Мадрид, со судири околу Винисиус Жуниор и тензии со некои клучни фудбалери.

Карагер: причината беше во играчите

Легендата на Ливерпул, Џејми Карагер, отворено ја презентира својата верзија: „Чаби Алонсо ја изгуби работата поради Винисиус Жуниор. Тој не беше задоволен од ситуацијата. Отиде да се пожали кај сопственикот и беше кажано дека нема да потпише нов договор“, рече Карагер. „На крајот, Реал Мадрид, како што секогаш прави, застана на страната на играчот, го отпушти тренерот, а потоа го донесе неговиот пријател, Алваро Арбеола.“

Од друга страна, легендата на Манчестер Јунајтед, Гари Невил, предупреди да не се суди за способноста на Алонсо само преку она што се случи во Мадрид. „Не мислам дека она што Алонсо го направи во Реал Мадрид воопшто е одраз на неговата способност. Тоа е одраз на тие играчи“, рече Невил и посочи дека разликите во менталитетот и пристапот на играчите може да прават голема разлика.

Сега Алонсо е насочен кон работата на Стемфорд Бриџ: победата во првата рунда и освоените три бода му донесоа позитивен старт, но пред него е предизвикот да го стабилизира тимот и да ги одржи резултатите.

Фото: Real Madrid C.F.(X)