Караско: Ниту еден тренер не го научил Ламин Јамал да игра фудбал

Ламин Јамал продолжува да предизвикува восхит откако низа импресивни партии со дресот на Барселона и шпанската репрезентација ги поставија на дневен ред прашањата за потеклото на неговиот талент.

Тренерот од младинските категории: роден гениј, не научен

Иван Караско, еден од тренерите кои работеа со Јамал во младинските категории на Барселона, во изјава за шпанските медиуми изјави дека она што го прави Јамал поинаков не е резултат на тренерска работа туку природен дар. Караско ги спомена генерациите од 2006 и 2007 година, со играчи како Кубарси, Форт, Еспарто, Тони Фернандез и други, но го истакна Јамал како посебен случај.

Тој нагласи дека првиот допир, дриблингот и способноста да ја чита играта ги издвојуваат младиот шпански репрезентативец од останатите. Караско рече дека на натпревари Јамал знаел да дрибла тројца противници и да постигне гол, а на тренинзите често можел да прави што ќе посака со соиграчите.

За начинот на кој Јамал ја чита играта, Караско рече: "Неговото читање на играта и способноста да разбере сè за многу кратко време се најимпресивни. Секогаш е одлучен и многу прецизен во своите технички потези.

"Сега има стекнато и физичка сила, па може да направи уште повеќе, но и пред тоа ја менуваше играта. Го има фудбалот во главата и разбира што треба да направи во секој момент. Ниту еден тренер никогаш не го научил Ламин како да игра фудбал. Таков се родил и тоа е толку едноставно", изјави Караско.

Караско предупреди дека играчи со ваков степен на дарба не треба да се пренапрегнуваат во младинските категории и дека со нив треба да се постапува внимателно: "Кога зборуваме за Ламин, зборуваме за него на сосема поинакво ниво од сите останати. Тој е гениј, а со генијот треба да се постапува соодветно, да се остави на мира и да не се оптоварува премногу. Треба да му се дава поддршка и да му се обезбеди поволна средина", заклучи тренерот.

Фото: FC Barcelona @FCBarcelona (X)