Carrick i kënaqur me skuadrën që ka

Trajneri i Manchester United, Michael Carrick, tha se është i kënaqur me tregun e verës dhe me skuadrën që tani ka në dispozicion. United solli Carlos Baleba, Andre Santos dhe Youri Tielemans; Marcus Rashford u rikthye, ndërsa Joshua Zirkzee qëndroi në klub.

"Ne hynë në merkato me idenë të jemi më të fortë si skuadër se sezonin e kaluar dhe me siguri e arritëm këtë. Jemi shumë të kënaqur me lojtarët që sollëm. Gjithmonë mund të thuash se ende ka gjëra që mund të kishim bërë, por ndonjëherë është çështje mundësish. Përgjithësisht, mendoj se jemi në një vend të mirë me skuadrën. Kemi dinamikë të shkëlqyer dhe lojtarë që mund të luajnë në pozicione të ndryshme," tha Carrick.

Thellësia e skuadrës

Carrick theksoi se mbajtja e thellësisë në organikë ishte e rëndësishme, dhe se Zirkzee — për të cilin pati pritshmëri se mund të largohej — mbetet një pjesë kyçe e planeve.

"Zirkzee është i rëndësishëm për thellësinë e skuadrës. Ai është i lumtur që është këtu dhe unë kam një marrëdhënie të shkëlqyer me të. Ai dëshiron të luajë më shumë, por konkurrenca është e shëndetshme. Na presin shumë ndeshje dhe Josh është i aftë për gjëra të mëdha," shtoi Carrick.

United do të udhëtojë te Evertoni të dielën, dhe Carrick e njohu sfidën që pret skuadrën e tij në Goodison Park.

"Janë gjithmonë ndeshje të vështira. Kemi pasur disa rezultate të mira, disa jo aq të mira, por gjithmonë ka qenë e vështirë. David Moyes është një trajner fantastik," tha ai.

Foto: Manchester Utd (X)