Килијан Мбапе: Како играч на Реал, природно е да бидеме во фокусот за „Златна топка“

Францускиот напаѓач Килијан Мбапе излезе со коментар за можноста да ја освои својата прва „Златна топка“ и најави дека играњето за Реал Мадрид автоматски го става во центарот на вниманието за ваквите индивидуални признанија.

Мбапе истакна дека статусот во клубот влијае на очекувањата и реакциите на јавноста: „Кога играш за Реал Мадрид, најдобриот клуб во светот, неизбежно си поврзан со вакви награди. Луѓето ми зборуваат за тоа кога ќе ме сретнат на улица. Ова е извонредно престижно признание за секој играч“, вели Мбапе.

Одлучуваат новинарите

Во расправата дали тој е моментално најдобриот фудбалер, Мбапе остана воздржан и ја нагласи природа на дебатата и начинот на донесување на одлуката за наградата.

„Секој има свое мислење. Некои ќе кажат да, други не. Тоа е дебата и никој не е должен да мисли како мене. Оваа година би можела да биде поволна за Златната топка, но наградата ја доделуваат новинарите и тие ќе бидат тие што ќе одлучат“.

Напаѓачот на Реал Мадрид посочи дека играњето за голем клуб носи поголемо медиумско внимание и разговори со навивачите — елемент што честопати ја обликува јавната перцепција кога се зборува за сезонските награди.

Фото: прес-материјал од настанот