Кипар ја предводи листата со најчисто море во Европа за 2025 година

Најновиот извештај на Европската агенција за животна средина (EEA), кој го опфаќа сезоната за капење во 2025 година, носи охрабрувачки податоци за оние што го планираат летниот одмор покрај вода.

Во извештајот стои дека повеќе од 85 проценти од капалиштата во Европската унија добиле највисока оценка за квалитет на водата, а дури 96 проценти ги исполнуваат пропишаните стандарди за безбедно капење. Кипар повторно се издвојува: повеќе од 97 проценти од неговите капалишта биле оценети како "одличен квалитет".

Грција е веднаш до него — над 95 проценти од капалиштата добиле највисокa оценка, што ја потврдува репутацијата на популарни острови како Крит, Родос, Крф и Тасос, како и на бројни плажи на копното. Бугарија и Австрија исто така забележуваат добри резултати: Бугарија особено по должината на Црноморскиот брег, а Австрија благодарение на бројните езера и контролирани реки за капење.

Што значат оценките

Оцените за квалитетот на водата не се темелат само на визуелна чистота. EEA анализира илјадници капалишта со примарен фокус на микробиолошки испитувања кои утврдуваат дали водата ги исполнува критериумите за безбедно капење. Капалиштата се класифицираат во четири категории: "одличен", "добар", "задоволителен" и "лош".

За туристите кои го ставаат квалитетот на водата високо на листата при избор на дестинација, извештајот ги потврдува Кипар и Грција како едни од најсигурните избори во Европа. Кристално чистото море и песочните плажи остануваат важни адути.

Резултатите може да послужат како потврда за туристички оператори и државни институции, а за оние со пониски оценки да означат јасни цели за подобрување и интензивирано следење во подготовка на идните сезони.

Фото: прес-материјал од настанот