Klekovski dhe Ivkova nënshkruan plan bashkëpunimi shëndetësor 2026–2028
Marrëveshja në Sofje parashikon shkëmbim ekspertësh, projekte të përbashkëta dhe trajnime për forcimin e shërbimeve shëndetësore.
Ministri i Shëndetësisë së Maqedonisë, Sasho Klekovski, dhe homologja e tij bullgare, Katya Ivkova, nënshkruan në Sofje një plan bashkëpunimi midis ministrive të shëndetësisë për periudhën 2026–2028.
Marrëveshja synon të forcojë lidhjet institucionale dhe të çojë në zbatimin e aktiviteteve praktike për shkëmbim njohurish dhe përmirësim të shërbimeve shëndetësore.
Veprime konkrete dhe fushat prioritare
Plani parashikon shkëmbim të informacionit dhe përvojave, shkëmbim të specialistëve për trajnime dhe konsultime, pjesëmarrje në ngjarje shkencore dhe mjekësore, realizim të projekteve të përbashkëta shkencore dhe praktike, si dhe bashkëpunim në organizimin e kurseve dhe seminareve.
“Si fusha prioritare të bashkëpunimit janë përcaktuar kujdesi mjekësor primar dhe i specializuar, kujdesi spitalor, parandalimi dhe kontrolli i sëmundjeve infektive dhe jo-infektive, si dhe mbikëqyrja epidemiologjike, statistikat mjekësore, organizimi i përgjigjes shëndetësore në raste emergjente, shëndeti elektronik, si dhe fusha të tjera me interes të përbashkët,” theksoi Ministria e Shëndetësisë.
Zyrtarët thanë se plani përfaqëson një hap shtesë për forcimin e marrëdhënieve fqinjësore dhe bashkëpunimit institucional, me qëllim shkëmbimin e praktikave të mira dhe rritjen e cilësisë dhe aksesit të shërbimeve shëndetësore për qytetarët.
Tani dy ministritë do të punojnë për përcaktimin e hapave të zbatimit dhe afateve për projektet dhe shkëmbimet të parashikuara në programin 2026–2028.
Foto: MZ
