Колумбиецот Јанко го прослави роденденот со авторска песна на македонски

Јанко, музичарот од Богота познат во јавноста како Јанко Колумбиецот, го одбележа роденденот со видео во кое ја изведува своја авторска песна на македонски јазик — подарок за неговите следбеници и обожаватели.

Иако роден во Колумбија, неговата искрена приврзаност кон македонскиот фолклор и традиционалната музика стана водечки мотив во неговото творештво. Целото име на уметникот е Јанко Богдан Пењафорт Вилја, а тој и неговиот бенд со години ги промовираат македонските песни на меѓународна сцена; голем дел од нивните објави на социјалните мрежи брзо стануваат вирални.

Емотивна честитка на чист македонски

Неговиот колега и близок пријател, Никола Кастањо, објави видео-порака на македонски во која со чувство му го честита роденденот. „Денес е роденден на Јанко — мојот пријател и музички брат “, напиша Никола во описот на објавата. Во видеото тој не само што зборуваше на македонски, туку и со многу емоција испеа стара народна песна, напомнувајќи дека таа нумера го опишува нивното пријателство.

Во коментарите под објавите, обожаватели и пријатели ги пофалија двајцата музичари за нивната посветеност на македонската култура. Многумина ги потсетија и на неговото гостување во Скопје, кога настапи рамо до рамо со фолк-пејачот Влатко Миладиноски и заедно ја изведоа антологиската песна „Велат не нема“ пред полна сала.

Под роденденските честитки и во следните објави, илјадници Македонци од земјата и дијаспората му посакаа здравје, среќа и уште многу настапи со кои ќе ја слави македонската музика.

Фото: Принтскрин\/ Фејсбук