Комитетот за јавни сметки: Вестминстерската палата ризикува „катастрофален настан“ без итна реконструкција

Комитетот за јавни сметки на Долниот дом предупреди дека Вестминстерската палата е изложена на ризик од „катастрофален настан“ сличен на пожарот во катедралата „Нотр Дам“ во Париз од 2019 година, ако не почне итна реконструкција.

Во извештајот комитетот посочува дека без соодветни интервенции историската зграда во која се наоѓа седиштето на британскиот парламент најмногу ризикува неконтролирано пропаѓање.

Проблем со растечките трошоци

Според проценката во извештајот, неделните трошоци за одржување на парламентарниот комплекс во наредните години ќе пораснат од 1,5 милиони на два милиони фунти (2,4 милиони евра).

Комитетот предупредува дека секое дополнително одложување на програмата за реконструкција ќе ја зголеми сумата потребна за спроведување за уште 420 милиони фунти (503 милиони евра) годишно.

Извештајот е објавен пред серија гласања во Парламентот за идниот правец на програмата за обнова на Вестминстерската палата — гласања што беа предвидени порано годинава, но беа одложени.

Комитетот побара итни чекори за започнување на реконструкцијата со цел да се спречи понатамошно пропаѓање и да се избегнат значително повисоките трошоци кои би настапиле при продолжено одложување.

Фото: прес-материјал од настанот