КОП31: 2026 обележана со екстремни временски непогоди
Пожарите, ураганот Поло и обилните поплави ја ставаат климата во фокусот на самитот во Анталија, од 9 до 20 ноември.
2026 година донесе невидена низа екстремни временски настани ширум светот — од разорни пожари и ретки огнени вртлози до моќни урагани, силни невремиња и катастрофални поплави.
Во Франција се регистрираа огнени вртлози кои предизвикаа големи проблеми за противпожарните служби, а во Мексико „ураганот Поло за само 24 часа прерасна од тропска бура во ураган од петта категорија“.
Обилните врнежи доведоа до поплави во неколку држави. Најтешки последици имаше во Мозамбик, Парагвај, Сирија, Турција и Мексико, каде поплавите ги уништија домовите и инфраструктурата, предизвикаа човечки жртви и принудија илјадници да ги напуштат своите домови.
Последици и предупредувања
Силните ветрови и невремињата предизвикаа штети и во САД, Индија и Велика Британија, дополнително оптоварувајќи региони кои веќе соочуваат со економски и хуманитарни тешкотии.
Научниците предупредуваат дека климатските промени придонесуваат за зголемување на интензитетот и веројатноста за екстремни временски појави. Според анализите на климатските експерти, глобалното затоплување и емисиите на стакленички гасови ги засилуваат условите за појава на разорни непогоди.
Токму овие предизвици ќе бидат меѓу главните теми на климатскиот самит КОП31, кој од 9 до 20 ноември ќе се одржи во Анталија, Турција.
Фото: прес-материјал од настанот
