Кошта во Букурешт: Безбедноста на ЕУ се чува на истокот
Кошта по средбата со Никушор Дан рече дека ЕУ ќе стои цврсто до Романија и го истакна значењето на проширувањето врз основа на заслуги.
Претседателот на Европскиот совет, Антонио Кошта, од Букурешт порача дека безбедноста на Европјаните е тесно поврзана со стабилноста на источната граница на Унијата. По средбата со претседателот Никушор Дан, Кошта истакна дека ЕУ ќе продолжи цврсто да стои до Романија и му се заблагодари на земјата за доследната поддршка на Украина.
Одбрана, одвраќање и проширување
Кошта нагласи дека обидите на Русија за заплашување на европските држави или за нарушување на нивното единство нема да успеат. Тој ја нагласи заедничката одговорност на земјите членки за одржување силна источна линија како дел од заштитата на целата Унија.
Првиот човек на Советот посебно ја потенцираше важноста на процесот на членство заснован на заслуги. Тој ги посочи Молдавија, Украина и државите од регионот на Западен Балкан како важни за иднината на ЕУ и рече дека напредокот треба да се наградува преку реализирани реформи и резултати.
Посетата на Букурешт е дел од пошироката „Турнеја по главни градови“ на Кошта. По Букурешт тој ќе патува во Софија и во Атина, а утре ќе патува на Кипар и во Словенија.
Според Кошта, улогата на Романија на источниот руб на ЕУ и нејзината поддршка за Украина ја прават земјата клучен партнер во напорите за зачувување на европската безбедност и единство.
Фото: прес-материјал од настанот
