Кремљ не ја потврдува посетата на Кушнер и Виткоф
Портпаролот Дмитриј Песков вели дека јавноста ќе биде информина доколку се одржи средба; американските пратеници се очекуваат и во Киев.
Кремљ не ги потврдува информациите дека американските специјални пратеници Џаред Кушнер и Стив Виткоф ќе ја посетат Москва, изјави портпаролот на рускиот претседател, Дмитриј Песков, додавајќи дека јавноста ќе биде информирана доколку дојде до средба.
Вести за можно патување се појавуваат во време на засилени дипломатски напори за ставање крај на војната во Украина, кога меѓународните посредници и влади бараат можности за намалување на непријателствата.
Состојбата на терен
Украинскиот претседател Володимир Зеленски изјави дека американските пратеници се очекува да го посетат Киев во наредните денови.
Меѓутоа, руските напади врз Украина продолжуваат. Локалните власти соопштија дека во ноќните напади загинале најмалку три лица.
Воздушните напади се интензивираат, а борбите долж источниот и јужниот фронт и натаму се во голема мера без значителни поместувања.
Фото: прес-материјал од настанот
