Кристин Вајганд: Војната предводена од САД во Иран одзеде 3.400 животи, повредени над 33.000
Координаторката на ОН при посетата на Техеран предупреди за големи човечки и инфраструктурни загуби, вклучително нападот врз училиштето во Минаб на 28 февруари.
Постојаната координаторка на Обединетите нации во Иран, Кристин Вајганд, изјави дека 30 од 31 провинција во земјата се погодени од војната предводена од САД, што довела до смрт на повеќе од 3.400 цивили и повреда на повеќе од 33.000 лица.
Говорејќи од Техеран пред акредитирани новинари на ОН во Женева, Вајганд опиша огромни штети врз критичната инфраструктура ширум Иран, вклучувајќи здравствени установи, постројки за десалинизација и електрични мрежи.
Нападот на училиштето во Минаб
Таа се осврна на американскиот напад врз училиштето во Минаб на 28 февруари и посочи дека во тој напад биле убиени голем број деца, наставници и родители.
Вајганд рече дека конфликтот им нанесол не само човечки жртви, туку и економски загуби: многумина ги изгубиле своите извори на приходи и заработка, и тоа и поради директни воени напади, и поради економските последици од конфликтот.
По посетата на погодените области, таа констатирала дека секојдневниот живот е сериозно нарушен и навела дека многу Иранци ѝ рекле дека одложуваат важни животни одлуки — професионални и лични — бидејќи не знаат што следи.
Постојаната координаторка истакна и дека Иран со години се наоѓа под повеќекратни санкции и дека сега се соочува со нова рунда санкции, што има реални последици за Иранците, за партнерите на ОН и за работата на организацијата на терен.
Фото: прес-материјал од настанот
