Куче усмрти двегодишно дете во Арканзас, уапсени три лица
Двегодишно девојче е изгризено и одведено во шума; по истрага се уапсени три лица кои се товарат за негрижа.
Во Арканзас трагично загина двегодишната Селест Џексон откако беше нападната од куче, при што животот ѝ беше одземен по смртоносни повреди. Според извештаите, детето беше изгризено и одвлечено во блиската шума.
Канцеларијата на шерифот на округот Пуласки соопшти дека кучето, кое било чувано во соседството, нападнало и сурово го повредило малото девојче.
Три лица уапсени
По спроведената истрага, полицијата лишила од слобода три лица: Ернест Џексон (54), Кристина Харт (41) и Макајла Џексон (21). Сите тројца се обвинети за сериозно загрозување на благосостојбето и безбедноста на малолетното дете со смртен исход.
Кога полицијата и медицинските екипи успеале да го пронајдат детето, лекарите можеле само да констатираат смрт.
Семејството покрена кампања за помош преку GoFundMe и во емотивна порака се прости од девојчето: "Селест беше исклучително паметно девојче кое внесе толку многу радост во нашите животи. Обожаваше да гледа цртани филмови, а нејзиниот ведар дух го допре секој што ја познаваше". Во продолжение семејството напиша: "На нашето семејство му е исклучително тешко да ја прифати оваа болна загуба".
Фото: Принтскрин Gofundme