Lagarde: Kursimet evropiane po financojnë bumun amerikan të inteligjencës artificiale

Kryetarja e Bankës Qendrore Evropiane paralajmëroi se një pjesë e madhe e kursimeve private evropiane po përfundojnë te kompanitë teknologjike amerikane dhe po ndihmojnë në mënyrë të tërthortë zgjerimin e shpejtë të inteligjencës artificiale në Shtetet e Bashkuara.

Christine Lagarde tha se familjet në zonën euro mbajnë rreth 440 miliardë euro aksione në kompani teknologjike amerikane, përfshirë Nvidia dhe Alphabet, ndërsa një pjesë e konsiderueshme e pasurisë së kontinentit mbetet e depozituar në banka ose e investuar në pronë të patundshme.

Lagarde, duke folur në Vjenë, tha: „Kompanitë po ndërtohen diku tjetër“, dhe theksoi hendekun në zhvillimin e IA midis SHBA, Kinës dhe Europës. Ajo përmendi se gjatë vitit të kaluar SHBA prodhuan 59 modele të rëndësishme të inteligjencës artificiale, Kina 35, ndërsa Franca dhe Mbretëria e Bashkuar nga një secila.

Sipas një analize të BQE-së, deri në maj 2026 familjet në zonën euro mbanin afërsisht 10 trilionë euro në depozita bankare. Familjet mbajnë rreth një të tretën e aseteve të tyre financiare në depozita; në krahasim, familjet amerikane mbajnë rreth 11 për qind të aseteve në depozita.

BQE vlerëson se rreth 80 për qind e familjeve në zonën euro nuk zotërojnë aksione, bono ose pjesë në fonde investimi. Më shumë se 60 për qind të familjeve mbajnë pjesën më të madhe të pasurisë së tyre në pronë të patundshme; rreth një e katërta mbështetet kryesisht në depozita bankare, rreth 10 për qind investojnë në mënyrë indirekte përmes produkteve pensionale dhe sigurimeve, dhe vetëm rreth 4 për qind mbajnë një pjesë të rëndësishme të pasurisë së tyre drejtpërdrejt në tregjet financiare.

Lagarde paralajmëroi se këto modele do të thotë që shumë kapital evropian nuk po mobilizohet për të mbështetur kompani me potencial të lartë rritjeje në Europë. Ben Baringer, kreu i kërkimeve për teknologji në Quilter Cheviot, thotë se kapitali evropian është zhvendosur jashtë sepse shumë nga firmat kryesore teknologjike botërore u krijuan dhe u zhvilluan jashtë Europës dhe u ofrojnë investitorëve mundësi më të mëdha pritshmërie për rritje.

Si kthyen kursimet në kapital për kompanitë

Analiza bën dallimin midis blerjes së aksioneve ekzistuese dhe sigurimit të kapitalit të ri. Kur një investitor blen një aksion të lëshuar më parë në tregun e dytësor, paratë zakonisht shkojnë te investitori që shet, jo te kompania. Megjithatë, kërkesa e qëndrueshme e investitorëve mund të rrisë vlerën e tregut të një kompanie dhe t'i lehtësojë asaj praqitjen e kapitalit të ri përmes lëshimit të aksioneve të reja, kur mjetet hynë drejtpërdrejt në kompaninë.

Foto: material shtypi nga ngjarja