Ласана Диако: Струга ТЛ мотивирана пред дуелот со Силекс

Денеска, 07.09.2026, се завршува шестото коло од тековниот ПМФЛ шампионат, а Струга ТЛ на домашен терен од 16:00 ќе го пречека тимот на Силекс. Двете екипи имаат слични амбиции — висок пласман во првенството и настапи во Европа.

Натпреварот

Стружани влегуваат во дуелот со цел да освојат три бода пред своите навивачи. Напаѓачот на Струга ТЛ, Ласана Диако, ја најави пресметката и нагласи дека мотивот за дуел против директен ривал е голем.

„Целиот тим е високо мотивиран за овој натпревар. Знаеме дека играме против директен ривал, па затоа сме целосно свесни за важноста на мечот. Ќе го дадеме максимумот за да ги освоиме трите бода на домашен терен“, изјави Ласана Диако па додава.

Диако посочи дека фокусот од првата до последната минута ќе биде клучен и дека предноста на Струга е играњето пред домашна публика.

„Секој натпревар е различен. Ќе се обидеме да ја задржиме оваа добра низа на домашен терен, но знаеме дека мора да останеме фокусирани од првата минута до последниот судиски свиреж. На нас зависи дали ќе ја продолжиме оваа добра серија дома. Треба да останеме фокусирани од почеток до крај и да го дадеме максимумот на теренот. Се надеваме дека ќе ги освоиме трите бода. Мислам дека нашата предност е играњето на домашен терен. Овде имаме добри резултати и ги знаеме нашите силни страни. Ќе се обидеме да ја искористиме поддршката од навивачите и да дадеме сè од себе за да победиме на натпреварот“ – изјави офанзивецот на Струга ТЛ.

Натпреварот ќе има значење за амбициите на двата тима во врска со пласманот и можноста за учество во европските купови; Струга се надева дека предноста на домашниот терен ќе им помогне во борбата за трите бода.

Фото: прес-материјал од настанот