Либан ја укина смртната казна, прва арапска држава со таква одлука

Парламентот на Либан денеска изгласа укинување на смртната казна, со што земјата стана прва во арапскиот свет што ја отстрани оваа казна од својот правен систем. Како најстрога санкција ќе биде предвиден доживотен затвор со тешка принудна работа.

Што се менува

Од вкупно 128 пратеници, мнозинството го поддржа предлогот, додека парламентарниот блок на Хезболах беше против. Со гласањето, смртната казна формално се брише од законот и се заменува со доживотен затвор со тешка принудна работа.

Министерот за правда Адел Насар ја опиша одлуката како "историски чекор" за Либан и важна промена во казненото законодавство.

Иако смртната казна до сега беше дел од либанскиот закон, земјата практично не спроведува егзекуции од јануари 2004 година. Во изминатите повеќе од две децении биле изрекувани смртни пресуди, но тие подоцна биле суспендирани или преиначувани.

Со денешната одлука, Либан формално го прекинува тој период на неизвесност и ја укинува смртната казна како најстрога можно санкција.

Нови тензии во Либан: убиени се двајца израелски војници и еден Либанец.

Фото: Heretiq / Wikimedia Commons (CC BY-SA 2.5)