Лука Антиќ ја започнува тренерската кариера во Академијата ИБА
19-годишниот најстар син на Перо Антиќ ќе работи како помошник-тренер за групите до 16 години.
Лука Антиќ, највозрасниот син на Перо Антиќ, официјално ја започнува тренерската кариера во Академијата ИБА. Според соопштението на Академијата, 19-годишниот Антиќ ќе биде дел од тренерскиот тим и ќе работи како помошник со најмладите групи до 16 години.
Од играч кон тренер
Досегашната биографија на Антиќ е играчка: тој беше дел од младинските репрезентации на Македонија и настапуваше на домашната сцена во дресовите на Вардар и Феникс, каде што играше во Првата лига.
Иако има само 19 години, Лука Антиќ реши сепак да мине во “тренерските води“ што би се рекло и ќе започне да се образува и да стекнува практично искуство во работата со помладите категории.
Во соопштението се наведува дека тој ќе придонесува во подготовките и тренинзите на тимовите до 16 години, во улога на помошник-тренер, каде ќе работи со тренерскиот штаб и со самите играчи.
Ова е ранен, но значаен чекор на Антиќ кој ја менува фокусната линија од играње кон развој и обука на помладите генерации во рамки на академијата.
Фото: прес-материјал од настанот
