Лука Стојановски: Победата е единствениот императив пред нас

Лука Стојановски важи за еден од најстабилните репрезентативци во македонската кошарка во последните неколку квалификациски циклуси. Новиот играч на МЗТ Скопје Аеродром повторно е повикан во селекцијата и ќе учествува во вториот круг од претквалификациите за Евробаскет 2029, во групата „Ф“ против Австрија и Кипар.

Прв натпревар во Виена на 30 август

Првиот предизвик е закажан за в недела, 30 август 2026 година — Македонија гостува во Виена, во "Спорт Арената", со почеток во 16:05 часот.

По одработениот тренинг во "Спорт Арената" во Виена, Стојановски јасно ги постави очекувањата пред натпреварот: "Очекувањата се да победиме. На секој натпревар што ќе го играме во наредниот период одиме на победа. Се подготвуваме, гледаме видеа, правиме тактика. Едноставно, имаме добра и комплетна екипа во овој момент. Победата, би го нарекол тоа, е единствениот императив пред нас."

Во претходниот претквалификациски циклус Репрезентацијата имаше максимален ефект — шест победи на шест натпревари — што значително ја зголеми самодовербата во тимот. Во новиот циклус селекцијата е дополнително зајакната со приклучувањето на Ненад Димитријевиќ и Мозес Рајт.

„Точно така. Тие победи и одиграните натпревари во овие претквалификации се голем плус за нас како екипа. Но и доаѓањето на одлични играчи како Ненад и Мозес ќе ни помогне во намерата да стигнеме до оние вистински квалификации.“

Стојановски даде и кратка тактичка проценка на Австрија: "Би рекол дека пред сè станува збор за шутерска екипа. Физички не се предоминантни, така што би рекол дека негуваат брза кошарка и дека имаат добар шутерски потенцијал".

Дуелот меѓу Австрија и Македонија ќе биде првиот натпревар за нашиот тим во вториот круг од претквалификациите за Евробаскет 2029 и ќе се игра в недела, 30 август 2026 година, со почеток во 16:05 часот во "Спорт Арената" во Виена.

Фото: прес-материјал од настанот