Маѓар: Унгарија сака мир, затоа ѝ се потребни силни вооружени сили

Премиерот Петер Маѓар изјави дека Унгарија во денешниот несигурен свет има потреба од силни вооружени сили — но додаде дека тоа не значи дека земјата бара војна. „точно спротивното – сакаме мир и сакаме да живееме во мир" рече тој на церемонијата.

Настанот се одржа по повод националниот празник Ден на свети Стефан (Иштван), кога пред зградата на парламентот се крена националното знаме и беа положени воени заклетви на нови војници. Маѓар нагласи дека новопријавените почнуваат служба во особено сложен период.

Промени во природата на воените дејства

„Во Европа се води војна, светот е понепредвидлив отколку што бил со децении, се појавуваат нови вооружени системи, а карактерот на воените дејства се менува за месеци толку колку што порано се менуваше за децении" рече премиерот, нагласувајќи ја брзината на промените во безбедносната средина.

Тој посочи дека за зачувување на мирот се потребни ефикасна и компетентна дипломатија, сигурни сојузници, како и сопствен одбранбен капацитет, додавајќи дека сите овие елементи треба да функционираат заедно за да ги одвратат заканите.

„Унгарските вооружени сили мора да бидат армија на која можат да се потпрат и Унгарците и нашите сојузници – добро опремена, одлично подготвена, технолошки напредна и пред сè добро раководена. За да го постигнеме тоа, имаме потреба од вас - изјави премиерот пред војниците.

Фото: прес-материјал од настанот