Мајка во Нови Сад осомничена за претепување до смрт на едногодишната ќерка

Нови Сад е во шок по монструозниот настан во кој на 2. ноември 2026 година во вечерните часови во семеен дом животот го загуби малолетната М.Ш., стара година и пол. За убиство е осомничена мајката А.Ш. (33), додека таткото Т.Ш. (54) е приведен.

Што покажуваат првичните наоди

Според досегашните информации, мајката се сомничи дека ѝ задавала повеќе силни удари по телото и главата на детето со каиш и туп дрвен предмет. Особено се издвојуваат повредите предизвикани од металната копча на каишот. Првичните обдукциски наоди наведуваат дека смртта настапила поради директни компликации, односно тешко оштетување и престанок на работата на надбубрежните жлезди, по што настапил фатален трауматски шок.

По извршениот увид и обезбедувањето на материјалните докази, вклучително и предметите со кои е извршен нападот, на осомничената ѝ е одредено задржување до 48 часа. Таа се товари за кривично дело Тешко убиство, за кое е предвидена казна од најмалку 10 години затвор или доживотен затвор без условен отпуст.

И таткото, Т.Ш. (54), е уапсен и се сомничи за кривичното дело Не давање помош, за кое законски е предвидена казна од 3 месеци до 5 години затвор. Двајцата осомничени ќе бидат предадени на надлежното Вишо јавно обвинителство во Нови Сад за понатамошни постапки.

Соседите од населбата велат дека семејството живеело во тешки услови и дека главен дел од приходите бил од социјална помош и повремени физички работи на таткото, додека проблеми со недозволени супстанции биле познати во заедницата.

„Таа жена е монструм… Има уште, мислам, три деца покрај тоа малечко девојче. Бебенцето имаше само една година, веројатно плачело па им сметало, кој знае… Чув дека ја тепала со каиш, а ударите со метална копча болат секого, а не пак мало дете“, раскажа една револтирана соседка. Истражните органи продолжуваат со преземање на сите доказни дејствија за целосно расветлување на настанот.

Фото: прес-материјал од настанот