Македонија до 15 години дел од Светското првенство во Баку во новиот 7+1 формат

Младата репрезентација на Македонија до 15 години (генерација 2011) ќе учествува на FIFA U-15 World Cup & Festival 2026 во Баку, Азербејџан, во периодот од 22. октомври до 1. ноември 2026 година.

Натпреварувањето се игра во новиот 7+1 формат: седум играчи во поле плус голман. Право на настап имаат фудбалери родени во 2011 и 2012 година. Натпреварите траат 40 минути (две полувремиња по 20 минути со 5 минути пауза). Форматот зголемува динамиката со неограничени ("летечки") измени, аут изведуван со нога (kick-in) и офсајд кој важи само во зоната од 23 метри пред гол-линијата.

Селекторот Горан Станковски ги повика следните фудбалери за турнирот:

Голмани: Марио Стојковски (Њу Стар), Максим Ѓоревски (Виена ФЦ).

Одбрана: Стефан Арсов (АИК Стокхолм), Дин Рожајац (ФФМ Академија), Ејман Емини (ФФМ Академија), Јетмир Асани (Вардар), Хамза Зубери (Скопје).

Среден ред: Давор Танески (ФФМ Академија), Фишник Амити (Шкендија), Јоан Ѓорѓиевски (Академија), Стефан Стојаноски (Академија).

Напад: Јован Јанчевски (Академија), Драган Петков (Њу Стар), Доротеј Христов (Скопје).

Распоред на натпревари (групна фаза)

Во групната фаза нашите млади надежи ќе одиграат пет натпревари, со можност за пласман во елиминациската фаза. Сите средби ќе се играат на Ховсан комплексот во Баку:

• Сабота, 24. октомври — Македонија – Панама 12:45
• Недела, 25. октомври — Чад – Македонија 10:30
• Недела, 25. октомври — Македонија – Кенија 17:15
• Понеделник, 26. октомври — Малта – Македонија 09:15
• Понеделник, 26. октомври — Македонија – Нигер 16:00

Македонскиот тим ќе го користи Ховсан комплексот за сите мечеви и подготовки. Новиот формат на ФИФА е наменет за развој на младите фудбалери и за интензивирање на техничките барања во раната доба на меѓународната конкуренција.

Фото: прес-материјал од настанот