Македонија У15 ремизираше 2:2 со Кенија во Баку

Младата репрезентација на Македонија до 15 години ремизираше 2:2 со селекцијата на Кенија во својот трет натпревар на Светското првенство во форматот 7+1 во Баку, Азербејџан. Натпреварот, одржан на 25.10.2026, заврши во неизвесна атмосфера откако нашите фудбалери не успеаја да го задржат водството.

Во еден момент Македонија имаше предност од 2:1, но по долга акција на противникот и грешка во нашата игра, Кенија успеа да израмни за конечни 2:2.

Головите за Македонија ги постигнаа Јетмир Асани и Хамза Зубери.

Почетен состав на Македонија во мечот против Кенија: Марио Стојковски, Дин Рожајац, Јетмир Асани, Ејмар Емини, Давор Танески, Стефан Стојановски, Јоан Георгиевски и Драган Петков.

Претходни настапи во Баку

Во вториот натпревар на турнирот Македонија загуби од репрезентацијата на Чад со 1:2 во меч со драматична завршница. Македонија поведе со 1:0, но противникот израмни на 1:1, а во последните десет секунди од натпреварот го постигна и вториот погодок за конечен триумф од 2:1.

Почетен состав на Македонија во тој меч: Марио Стојковски, Дин Рожајац, Ејман Емини, Јетмир Асани, Фисник Амити, Јоан Георгиевски, Доротеј Христов и Драган Петков. Замени: Максим Ѓоревски, Хамза Зубери, Стефан Стојановски, Стефан Арсов и Давор Танески.

Во воведниот дуел од шампионатот во Азербејџан, Македонија ја победи Панама со 4:1.

Фото: прес-материјал од настанот