Мамографија и нов центар во Штип: навремена дијагностика против рак на дојка

Задолжителните мамографски прегледи се важна превентива за ракот на дојката, велат лекарите во рамките на кампањата за Розовиот октомври, нагласувајќи дека навремената дијагностика и соодветните третмани се клучни во борбата со болеста.

За штипјанката Виолета Ефтимова, која добила дијагноза рак на дојката кон крајот на 90‑тите години, тоа не беше крај, туку почеток на тешка битка. Таа ги охрабрува жените да не губат надеж и да останат активни.

Искуство на пациентка и пораки до другите жени

"-Да не се затвараат дома, туку да си најнат одишка на својата душа. Еве јас се пронајдов во културно-уметничките друштва, во играорна повеќе од 10години сум, со песна. Знаете со песна не може да бидеш нерасположен. Инаку дома ќе ти се врти таа мисла за болеста, а знаеме дека ракот на дојка е излечива болест, ако рано се открие вели Виолета Ефтимова, поранешна пациентка ."

Лекарите предупредуваат дека секојдневното чекање за испитувања создава голема неизвесност кај пациентите и го зголемува ризикот болеста да прогресира. За да се скрати времето до дијагноза, во штипската Клиничка болница е отворен нов мултидисциплинарен центар за дојка чија цел е побрза дијагностика и поефикасна грижа.

"-Знаеме дека ракот на дојката е излечива болест ако се открие навреме. Затоа, сите жени треба редовно да ги прегледуваат дојките. Ако болеста се открие рано, шансите за успешно лекување се многу поголеми. Тоа не е болест што не може да се лекува и не значи дека е крај, вели Ефтимова."

Според статистиката на Министерството за здравство годишно на 1.000 жени им се дијагностицира рак на дојката. Кампањата Розовиот октомври и новиот центар во Штип имаат за цел да ги зголемат стапките на скрининг и да го скратат времето од сомнеж до лекување.

Фото: прес-материјал од настанот