Манчестер Јунајтед подготвува понуда од 80 милиони евра за Камавинга и Менди

Манчестер Јунајтед се подготвува за удар на крајот од преодниот рок и, според информациите, е подготвен да испрати понуда од 80 милиони евра за двајца фудбалери од Реал Мадрид.

Идентитетот на играчите кои ги бараат во „Црвените ѓаволи“ се Едуардо Камавинга и Ферлан Менди, а извори блиски до англискиот клуб наведуваат дека 80 милиони евра би можеле да бидат солидна основа за преговори со шпанскиот тим.

Мурињо не е воодушевен

Новиот тренер на Реал Мадрид, Жозе Мурињо, според информациите не ги гледа Камавинга и Менди како дел од своите планови, што го зголемува шансата двојката да биде пуштена ако пристигне соодветна понуда.

Камавинга дојде во Реал во 2021 година од Рен. Првично имаше договор до летото 2027 година, но во ноември минатата година го продолжи договорот до летото 2029 година. Вкупно за „кралскиот клуб“ има одиграно 221 натпревар, од кои 43 минатата сезона, а 23 од нив како стартер.

Ферлан Менди пристигна во Реал во 2019 година од Лион во трансфер вреден околу 30 милиони евра. За Реал има одиграно 210 натпревари, постигнувајќи шест гола и давајќи 12 асистенции, но поради проблеми со повреди минатата сезона одигра само девет меча.

Како што се приближува крајот на преодниот рок, Манчестер Јунајтед интензивно бара засилувања откако раководствата заклучиле дека постојниот играчки кадар не е задоволителен.

Фото: прес-материјал од настанот