Марко Ѓорѓиевски во комбинација за реваншот со Хиберниан

Скопје — 12.08.2026. Утре, со почеток од 20:00 часот, на Арената Тодор Проески во Скопје, Шкендија ќе го одигра реванш-дуелот од третото квалификациско коло од Лигата на Конференции против Хиберниан од Шкотска.

Во првиот натпревар на гости тетовци загубија со 2:1 и сега мораат да ја анулираат негативата за да се пласираат во плеј-офот — последната пречка пред групната фаза.

Актуелности пред натпреварот

Тренерот Артим Положани ќе го води тимот со релативно комплетен состав и без поголеми проблеми, но голманот Гаје нема да биде во комбинација за дуелот.

Најважно за тетовци е состојбата со напаѓачот Марко Ѓорѓиевски — тој се пожали на болки при загревањето пред мечот со Вардар во рамките на второто ПМФЛ коло, но повредата не е сериозна и тој дефинитивно е во комбинација за утрешниот реванш.

Шкендија ќе се обиде пред својата публика да го сврти исходот од првиот натпревар и да обезбеди место во плеј-офот на Лигата на Конференции.

Фото: прес-материјал од настанот