Медена торта што се топи во уста — рецепт што успева секогаш

Медена торта со меки корИ и кремаст фил што лесно се прави — избор погоден и за помалку вежбани во кујната.

За корите:

• 2 јајца
• 150 г шеќер
• 100 г путер (маргарин)
• 3 лажици мед
• 1 лажиче сода бикарбона
• Околу 500 г брашно

За кремот:

• 500 мл млеко
• 4 лажици брашно
• 150 г шеќер
• 200 г путер (маргарин)
• 1 ванилин шеќер

На тивок оган во тенџере стопете го путерот, шеќерот и медот. Додадете ја содата бикарбона и мешајте кратко додека смесата не запени. Тргнете од огнот, додадете ги јајцата и добро измешајте. Постепено додавајте го брашното и замесете меко тесто.

Печење и подготвка на кремот

Разделете го тестото на неколку еднакви делови. Секој дел расукајте го тенко и печете на 180 степени неколку минути, додека корите не добијат златеста боја. За кремот измешајте ги млекото, брашното, шеќерот и ванилиниот шеќер и варете на тивок оган со постојано мешање додека смесата не се згусне. Оставете да се олади, а потоа изматете со омекнатиот путер додека не добиете мазна текстура.

Изладените кори премачкајте ги со кремот и редете ги една врз друга. Целата торта премачкајте ја со остатокот од кремот, а по желба наросете мелени ореви или една издробена кора. Најважно е тортата да ја оставите во фрижидер неколку часа, а најдобро преку ноќ — така корите ќе омекнуваат и вкусовите ќе се поврзат.

Резултатот е сочна, миризлива медена торта која се служи одлично со кафе и за семејни дружби.

Фото: прес-материјал од настанот