Меличи: Шкендија има само една цел – победа и три бода против Скопје

Денес, 18 октомври 2026 година со почеток во 14:00 часот на стадионот Автокоманда, лидерот Шкендија (Т) гостува кај составот на Скопје, кој се наоѓа на дното од табелата и сѐ уште нема победа оваа сезона.

Меличи: терените не ни одат во прилог, но тоа не е алиби

Репрезентативецот и стоперот на тетовскиот тим, Анес Меличи, го посочи проблемот со состојбата на натпреварувачките површини, но нагласи дека тоа не смее да стане оправдување. Тој изјави: “Мислам дека состојбата на терените во Македонија навистина не е добра, но мислам дека ова не е изговор или алиби. Мислам дека теренот е лош за нас,но и за противникот. Мора да бидеме пореални и да прифатиме дека Шкендија е тим кој гради игра, кој сака да игра европски фудбал и во овој поглед ова навистина ни го отежнува и е предност за ривалите. Но, како што реков претходно, ова не е изговор, мора да најдеме начин да ги добиеме натпреварите”.

За денешниот дуел Меличи нагласи што е главната цел на тимот: “ Направивме анализа и целта е само да освоиме три бода, без разлика дали ги добиваме играјќи добро, градејќи игра или на добар или лош терен или на кал или каде знам што, но целта е само да освоиме три бода.“

Стратегот Артим Положани нема да може да ги користи повредените Дрилон Ислами и Мељан Мурати, што ќе бара од тимот прилагодувања во составот и тактиката.

Скопје ќе се обиде пред своите навивачи да им парира на тетовчани, но прашање е дали имаат сили и квалитет да изненадат. Главен судија на натпреварот ќе биде Стојанче Стојанов.

Мечот се игра на стадионот Автокоманда со почеток во 14:00 часот, и резултатот ќе ја покаже сериозноста со која Шкендија влегува во оваа недела од првенството.

Фото: прес-материјал од настанот