Мицкоски го информирал Извршниот комитет на ВМРО‑ДПМНЕ за средбата со раководството на Влен
На состанокот беа разгледани коалициските принципи, предизвиците со енергијата и кадровските прашања.
Премиерот и лидер на ВМРО‑ДПМНЕ, Христијан Мицкоски, на редовна седница на Извршниот комитет вчера ги информираше членовите на партијата за средбата што ја остварил со раководството на владејачката партија на Албанците, Влен.
Разговори за коалициски принципи, енергија и кадровски прашања
Како што посочи Мицкоски, на средбата биле разгледани принципите кои ќе ги приговара коалицијата и идните предизвици поврзани со енергетските состојби. На маса биле и кадровските решенија, за кои тој рече дека дискусијата ќе продолжи во наредниот период.
Блерим Сејдиу од Влен вчера најави дека во текот на денот ќе одржат редовна средба со премиерот како дел од состаноците што се одржуваат на секои две недели, и на која ќе се разговара за актуелни прашања.
На седницата Мицкоски се осврна и на случајот со Алта банка, при што беше заклучено дека опозицијата дејствува во насока на рушење на банката и оштетување на граѓаните, додека институциите дејствуваат со цел да најдат решение.
Членовите на Извршниот комитет избраа пратеникот Љупчо Пренџов за заменик‑генерален секретар на партијата и донесоа одлука за теренска агенда за координаторите од ИК за посети на општинските и месните комитети на ВМРО‑ДПМНЕ.
Фото: ВМРО-ДПМНЕ
