Микел Артета го продолжи договорот со Арсенал и порача: „Ако еден ден почувствувам дека нешто се променило…“

Менаџерот на Арсенал, Микел Артета, во текот на неделата го продолжи договорот со клубот и ја отвора шестата рунда во Премиер-лигата со домашниот дуел против Лидс, кој ќе се одигра утре (сабота) од 14:30 часот. Ова ќе биде прв натпревар на тимот по репрезентативната пауза, но и прв настап за Артета откако го потпиша новиот договор.

Коментарите за Манчестер Сити и за личната иднина

На средбата со медиумите Артета ги прокоментира и настаните поврзани со Манчестер Сити — клубот каде што тој претходно беше асистент на Пеп Гвардиола во дел од периодот за кој сега „граѓаните“ се прогласени за виновни за финансиски неправилности. Шпанецот ја опиша одлуката за продолжување како лична чест и како резултат на заедничката визија со управата.

„За мене ова е огромна чест. Моето семејство и јас сме исклучително благодарни што ќе продолжиме да уживаме во ова неверојатно патување, кое започна пред речиси седум години.

Уште од самиот почеток кажав дека клубот и јас сакаме иста работа. Секогаш сум тврдел дека кога се обидуваш да донесеш одлука за иднината, најважно е во моментот на потпишувањето да ги погледнеш сите во просторијата и да видиш насмевки на нивните лица и возбуда во нивните очи.

Токму тоа го почувствував кај Стен и Џош , потоа кај извршниот директор Рич Гарлик, директорот за фудбалски операции Џејмс Кинг и спортскиот директор Берта, но и кај вработените и фудбалерите. Секој ден мораме да докажуваме дека заслужуваме да бидеме на ова ниво.

„Понекогаш треба да застанеш и да се запрашаш: „Колку долго можеш да продолжиш да го правиш ова?“ И не само тоа, туку и колку долго можеш да го правиш токму тука. Дали ја имаш потребната желба и енергија? Како те гледаат луѓето околу тебе кога разговараш со нив?

Мојот одговор беше позитивен. Ако еден ден почувствувам дека нешто се променило, ќе размислиме повторно. Тоа е сè, едноставно е.“

За прашањето за градење „династија“ во Арсенал Артета рече дека тоа е работа која се води секојдневно, дека стандардите се јасни, а ентузијазмот и амбицијата остануваат високи. На прашањето дали планира да остане долго, тој одговори дека сè уште е молод во тренерската професија и дека продолжува да ужива и да има амбиција, што ќе го одреди неговото останување во клубот.

Фото: прес-материјал од настанот