Миле Лефков: Филипче и талогот на СДС се против развој на индустријата со дата центри

Пратеникот од ВМРО‑ДПМНЕ, Миле Лефков, денеска на прес‑конференција во Скопје го нападна Венко Филипче и, како што рече, „талогот на СДС“, обвинувајќи ги дека се против развојот на индустријата со дата‑центри.

„Значи и луѓе од СДС гледаат дека развојот на овој вид на индустрија е предност и за граѓаните, но и за Македонија како држава и за нејзиниот развој,“ рече Лефков, посочувајќи дека идејата има поддржувачи и меѓу пратениците на владеачката партија.

Спорот околу националниот дата‑центар

На прес‑конференцијата Лефков остро ја критикуваше позицијата на Филипче и ги отфрли сомнежите за транспарентност и за користење на јавните ресурси.

„Филипче очигледно остана слеп кога станува збор за оваа тема, криејќи се зад тоа дека процесот за развој на оваа индустрија не е транспарентен. Очигледно Филипче не сака ни да ги слушне фактите. Вели дека се грижи за цената на струјата, за користење на водите од страна на еден дата центар. Но, се’ е јасно и јавно кажано струјата ќе се набавува на пазар или од обноновливи извори, а за ладењето потребно за работа на овие центри има повеќе начини, што значи водите не се во опасност. А за националниот дата центар треба да знае дека државата ќе штеди со спојување на податоците на едно место, а податоците ќе бидат безбедни,“ додаде тој на прес‑конференцијата.

Лефков рече дека националниот дата‑центар би значел заштеда за државата преку централизација на податоците и би ја зголемил безбедноста на информациите во споредба со сегашната расфрлана инфраструктура.

Пратеникот заврши со обвинување дека раководството на СДС ја блокира иницијативата која, според него и дел од членовите на СДС, би донела економски и инфраструктурни придобивки за земјата.

Фото: прес-материјал од настанот