Милица Ризо Трајков го воодушеви жирито со кабаретско шоу и шест „ДА“

Милица Ризо Трајков од Кавадарци го остави жирито и публиката без здив со своето кабаретско, авангардно издание на сцената на популарното регионално шоу Звездите на Гранд и обезбеди директен пласман во вториот круг по добиени максимални шест гласа "ДА".

Вокалниот настап и сценската поставка ги спои храбро модно решение со специфична боја на гласот, а продукцијата потврди дека Милица за следниот круг ќе се подготвува со Ѓорѓе Давид како ментор.

Жирито ја спореди со Јосипа Лисац

Настапот предизвика низа пофалби за необичната енергија и сценската увереност. За Милица, Сања Вучиќ рече: "Уште кога слегуваше по скалите се почувствува таа некоја чудна, авангардна енергија. Поседуваш виртуозност која многу ми се допадна… Возењето е штракнато, чудно и би сакала да работиме заедно!"

Пофалби упати и Цеца Ражнатовиќ: "Ми се допадна! Поинаква е, своја е. Има тука и јодлање, кокетираш со жанровите, со поп, џез и етно украси. Ти си роден перформер!"

Дада Бубамара, исто така, го истакна ефектот од влeзот и го потенцираше споредувањето со познатата хрватска изведувачка: "Посебна си и поинаква. Штом те видов со онаа капица додека слегуваше, веднаш ме потсети на Јосипа Лисац – единствена си!"

Александар Милиќ Мили и Кеба нагласија дека ја ценат нејзината кабаретска перспектива и дека секоја сезона се радуваат на такви изведувачи. Публиката ќе следи како Милица ќе работи под менторството на Ѓорѓе Давид во наредните емисии.

Ова не ѝ е прво појавување во шоуто: претходно беше дел од тимот на Мили и привлече големо внимание со својот специфичен вокал и смели сценски изданија — меѓу кои и провиден комбинезон што тогаш шокираше дел од жирито. По таа епизода, Милица настапуваше низ Македонија, вклучувајќи спектакуларен настап на Тиквешкиот гроздобер во Кавадарци, и паралелно се усовршува во модерен балет.

Фото: прес-материјал од настанот