МЗТ Скопје против Куманово ја почнува одбраната на титулата
Работен состанок на КФМ го потврди системот, првите двојки и продолжувањето на спонзорството за Суперлигата 2026/2027.
МЗТ Скопје Аеродром ја стартува одбраната на шампионската титула против МКК Куманово, по работниот состанок што денеска се одржа во просториите на Кошаркарската Федерација на Македонија пред почетокот на сезоната 2026/2027.
Членките на Здружението на клубови од Суперлигата дискутираа за повеќе прашања поврзани со организацијата: системот на натпреварување за сезоната 2026/2027, термините за почеток на шампионатот и организацијата на Суперкупот на Македонија.
На состанокот беа информирани и за продолжувањето на спонзорската соработка со компанијата „М-тел“, како дел од активностите за обезбедување дополнителна поддршка за македонската кошарка.
Ждрепката и двојките за првото коло
Во рамките на работниот состанок беше реализирана ждрепката на натпреварувачките броеви, по која се формираа двојките за првото коло (3/4.ОКТОМВРИ):
- Струмица – Работнички
- Пелистер – ТФТ
- Скопје – Кожув
- МЗТ Скопје Аеродром – МКК Куманово
- Штип – Тиквеш Голден Игл
Работниот состанок федерацијата и клубовите го искористија за размена на мислења, предлози и ставови за прашањата поврзани со претстојната сезона, кои ќе бидат земени предвид во понатамошното постапување на надлежните органи на КФМ.
Фото: прес-материјал од настанот
