Në pikën kufitare Bogorodica sekuestruan shtatë reptile, përfshirë një specie helmues

Doganierët në pikën kufitare Bogorodica sekuestruan shtatë reptile të reja gjatë kontrollit të një automjeti të drejtuar nga një shtetas i Kosovës, njoftoi Administrata Doganore.

Sipas njoftimit, kafshët ishin paketuar më parë në kuti dhe shami dhe të fshehura nën sedilje me qëllim të futjes së paligjshme në vend. Midis të sekuestruarave përmenden dy pitonë të llojit "Carpet Spilota", një piton "Short tailed", një piton "Brandly Carpet", një gjarpër "Chinese Ring rat", një nga "Raticulated Super Dwarf" dhe një gjarpër i helmueshëm i quajtur "Baron sneake".

Reptilet do t'i dorëzohen institucioneve kompetente

Administrata Doganore njoftoi se reptilet e sekuestruara do t'i dorëzojë institucioneve kompetente, ndërsa kundër kryerësit është nisur procedurë e duhur.

Në një deklaratë me shkrim Administrata Doganore theksoi: "Theksojmë se speciet e mbrojtura rregullohen rreptësisht me leje të detyrueshme në përputhje me Konventën për Tregtinë Ndërkombëtare të Specieve të Kërcënuara të Faunës dhe Florës së Egër, dhe çdo import pa këto leje konsiderohet import i paautorizuar," shtoi Administrata Doganore.

Nuk u dhanë detaje shtesë për drejtuesin e automjetit, dhe autoritetet thonë se kontrollet në pikat kufitare mbeten të përforcuara për të parandaluar tregtinë e paligjshme të kafshëve të egra.

Foto: material shtypi nga ngjarja