Над 100 загинаа при уривање на импровизиран рудник за злато во Централноафриканската Република

Повеќе од 100 лица загинаа откако се срушил импровизиран рудник за рачно ископување злато во западниот дел на Централноафриканската Република, во близина на границата со Камерун, соопштија локалните власти.

Волонтерка на Црвениот крст, која учествувала во спасувачката акција, изјави дека од под урнатините веќе се извлечени повеќе од 100 тела, а дел од преживеаните се во критична здравствена состојба.

Член на локален младински совет предупреди дека бројот на жртвите може дополнително да порасне, бидејќи сè уште има неутврден број исчезнати кои можеби се заглавени под земја.

Обвинителството во Боар не дава конечни бројки

Обвинителството во градот Боар, во западниот дел на Републиката, потврди дека има загинати, повредени и исчезнати, но сè уште не објави официјални и конечни бројки.

Нелегалното рударство е извор на егзистенција за многумина во различни делови на Африка, но недостатокот на законска регулатива и ниските безбедносни стандарди често завршуваат со вакви трагедии.

Фото: прес-материјал од настанот