NBRM vendos administrim të përkohshëm në Alta Bank AD Bitola

Banka Kombëtare e Republikës së Maqedonisë së Veriut (NBRM) ka vendosur administrim të përkohshëm në Alta Bank AD Bitola si masë mbrojtëse ndërkohë që do të ndryshohet pronësia. Qëllimi është të sigurohet funksionimi i bankës dhe mbrojtja e pasurisë dhe interesave të depozituesve dhe kreditorëve.

Qartësim i Bankës Kombëtare

„Vendosja e administrimit të përkohshëm është një masë mbrojtëse dhe nuk do të thotë mbyllje e Alta Bank AD Bitola, as aktivizim i mekanizmit për pagesën e depozitave nga Fondi i Sigurimit të Depozitave. Alta Bank AD Bitola vazhdon të punojë, nuk është në falimentim dhe i nuk i është hequr leja për punë. Banka është likuide, me kapital të lartë, me cilësi solide të portofolit të kredive dhe i përmbush standardet e mbikëqyrjes,” njoftoi NBRM këtë mëngjes.

Gjatë administrimit të përkohshëm banka do të vijojë me punë, por janë të përkohshme kufizime në tërheqjen dhe transferimin jashtë bankës për të parandaluar një rrjedhje masive të likuiditetit. Sipas NBRM, dje janë tërhequr rreth dy milionë euro nga banka.

Për personat fizikë ka një kufi javor për tërheqje të gatshme dhe pagesa me kartelë deri në 10,000 denarë; transferimet e brendshme brenda bankës ndaj klientëve të tjerë mbeten të pakufizuara. Subjektet juridike mund të kryejnë transferta të pakufizuara brenda bankës, por nuk mund të transferojnë fonde në banka të tjera, as të tërheqin para nga bankomatët ose sportelet.

„Pagesat hyrëse nga jashtë përmes SEPA dhe bankarisë korresponduese do të kryhen pa pengesa, ndërsa pagesat dalëse jashtë vendit nuk do të jenë të disponueshme përkohësisht për personat fizikë dhe juridikë. Depozitat e kursimeve të personave fizikë janë të siguruara nga Fondi i Sigurimit të Depozitave deri në shumën prej 30,000 euro, sipas rregullave ligjore,” shtoi NBRM.

Banka Kombëtare theksoi se po e monitoron situatën vazhdimisht dhe bëri thirrje që publiku të mos marrë vendime bazuar në informacione të paprovuara, duke paralajmëruar se tërheqjet masive dhe të panevojshme nuk janë në interes të kursimtarëve. Dega të Alta Bank AD Bitola do të jenë të mbyllura nga nesër.

Foto: material shtypi nga ngjarja