Ненад Димитријевиќ повторно во сениорската репрезентација: „Ќе дадам сè од себе за да стигнеме до Европското првенство“

По мала пауза, Ненад Димитријевиќ повторно се враќа во македонската сениорска репрезентација и ќе го носи националниот дрес во августовскиот ФИБА прозорец, кога тимот ќе гостува во Виена за важен меч против Австрија.

Повратникот влегува со големи очекувања

Димитријевиќ вели дека добро го познава противникот, но ја цене времето пред почетокот на циклусот за заедничка подготовка. „ За селекцијата на Австрија знаеме дека е сериозна екипа која игра ‘ран ен ган’ кошарка. Мислам дека е незгоден ривал, но имаме осум до девет дена да се спремиме заедно за мечот и да одиме во Виена на таа посакувана победа“, вели Димитријевиќ.

Во тимот има измени поради повредата на Итан Хап, а во националниот состав е повикан Мозес Рајт. Димитријевиќ ја истакна надежта дека новото опкружување под кошевите ќе донесе стабилност: „ Претходно под кошевите Итан Хап го имавме како сериозен и квалитетен играч, но несреќа беше неговата повреда, тоа ни беше хендикеп во претходните квалификации со Естонија. Сега го добиваме Мозес Рајт, преквалитетен играч. Се надевам дека ќе бидеме добар тандем и со останатите играчи ќе дојдеме до успех.“

Враќањето во репрезентативниот дрес носи и дополнителна мотивација: целта е пласман на следното Европско првенство. „ Наша цел е настап на следното Европско првенство, за мене тоа ќе биде последна шанса да играм на еден евро-шампионат со Македонија и ќе дадам сè од себе да го оствариме тоа.“

Со Димитријевиќ повторно во ростерот, сениорската селекција започнува подготвителен период во Скопје, со јасна цел — максимално подготвена да отпатува во Виена и да се обиде да стигне до важна победа против Австрија.

Фото: прес-материјал од настанот