Никој не прогласи победник по изборите во Шведска; левиот центар во благо водство
По 95% пребројани гласови левицата има тесна предност; Социјалдемократите на Магдалена Андерсон имаат само три пратенички места повеќе од коалицијата на Улф Кристерсон.
Никој официјално не прогласи победник по парламентарните избори во Шведска, откако по околу 95% пребројани гласови партиите на левиот центар имаат благо водство.
Ако ова водство се задржи, тоа би го запрело свртувањето кон десницата во изминатите четири години, процес кој ја трансформираше Шведска од една од европските земји кои најмногу ги прифаќаат имигрантите во држава со еден од најстрогите режими за азил.
Тесни бројки во пленарот
Се проценува дека Социјалдемократите на можнота идната премиерка Магдалена Андерсон ќе завршат со само три пратенички места повеќе од ривалската коалиција од четири партии предводена од конзервативниот премиер Улф Кристерсон.
Кристерсон во владеењето е поддржан од крајнодесничарската партија со неонацистички корени Шведски демократи, која доби ветување за министерски места доколку коалицијата остане на власт.
Процесот на пребројување продолжува и аналитичарите предупредуваат дека останатите гласови може да го решат која политичка опција ќе има мандат да состави нова влада.
Фото: ДПА)
