Николоски: Влада потпишува билатерални договори со земјите од Шенген за да им помогне на превозниците

Вицепремиерот и министер за транспорт Александар Николоски изјави дека Владата презема мерки за да им помогне на македонските превозници преку потпишување билатерални договори со земјите од шенген-зоната.

По посетата на Струга, Николоски пред новинарите рече дека институциите ги разбираат загриженостите на превозничките компании и дека бараат практични решенија во рамките на своите надлежности.

"Имаме целосно разбирање за транспортерите и се обидуваме во рамките на нашите можности да помогнеме и да изнајдеме решение. Се работи за правила во шенген-зоната и за правила што ги уредува шенген-зоната. Она што ние можеме да го направиме е да потпишуваме билатерални договори со земјите членки на шенген-зоната. Тоа веќе го правиме, веќе постигнавме договор со неколку земји, а во следниот период интензивно ќе работиме на договор со други земји. Во септември е најавена средба на високо ниво со aвстриската влада, а во октомври е најавена средба и со словенечката - изјави Николоски по посетата на Струга одговорајќи на новинарско прашање во врска со најавта за протести на македонските превозници."

Обезбедување на рутите

Николоски посочи дека со Швајцарија, Хрватска и Романија веќе постојат договори, како и дека се водат преговори со Германија со цел да се покријат најчесто користените рути од македонските превозници.

Тој додаде дека Владата ќе продолжи да преговара и да потпишува билатерални договори со сите земји коишто се подготвени за соработка, со цел да се намали притисокот врз секторот и да се одржи непречен меѓународен транспорт.

Фото: прес-материјал од настанот