Raporti i Komisionit Evropian: Nuk pati përpjekje për ndryshimet kushtetuese, komisioni me Bullgarinë pa rezultate

Komisioni Evropian në raportin e tij të ri për përparimin e Maqedonisë shënon se nuk është bërë asnjë përpjekje për të miratuar ndryshimet kushtetuese të përmendura në Përfundimet e Këshillit më 18 korrik 2022. Raporti thekson se vendi ishte i angazhuar të niste dhe të përfundonte këto ndryshime, me qëllim përfshirjen në Kushtetutë të qytetarëve që jetojnë brenda kufijve shtetërorë dhe që i përkasin popujve të tjerë, si bullgarët.

Brukseli: marrëdhëniet me fqinjët kërkojnë rikthim të dialogut dhe respektit

Raporti nënvizon se zbatimi i marrëveshjeve bilaterale "në frymën e vullnetit të mirë", duke përfshirë Marrëveshjen e Miqësisë, Fqinjësisë së Mirë dhe Bashkëpunimit dhe Protokollin e saj me Bullgarinë, mbetet thelbësor. Duhet përpjekje të konsiderueshme shtesë për përmirësimin e atmosferës së dialogut dhe respektit të ndërsjellë.

Komisioni raporton se komisioni ekspert multidisiplinar i përbashkët për çështjet historike dhe arsimore u mbledh katër herë në periudhën shtator 2025–mars 2026, por pa rezultate të prekshme. Raporti gjithashtu vëren se disa anëtarë të qeverisë dhe zyrtarë të lartë herë pas here injorojnë Marrëveshjen e Prespës dhe nuk përdorin emrin kushtetues të shtetit, për çka paralajmëron se kjo mund të rrezikojë marrëdhëniet me Greqinë.

Sistemi gjyqësor vlerësohet si i vendosur "midis nivelit të caktuar dhe atij të moderuar të përgatitjes" dhe shënon përparim të kufizuar. Ndërkaq, nuk ka përparim në luftën kundër korrupsionit: korrupsioni mbetet i përhapur dhe një shkak serioz për shqetësim në Bruksel.

Institucionet demokratike funksionojnë përgjithësisht në mënyrë të qëndrueshme, por polarizimi politik vazhdon të shtyjë miratimin e ligjeve kyçe reformuese. Raporti lidh përparimin e mëtejshëm në procesin e anëtarësimit me zbatimin e qartë të angazhimeve bilaterale, rifillimin e dialogut rajonal dhe masa konkrete kundër korrupsionit.

Foto: material shtypi nga ngjarja