Обвинетите браќа Тејт имале колекција пасоши со лажни имиња — меѓу нив и од негативец од „Џејмс Бонд“

Браќата Ендру Тејт (39) и Тристан Тејт (38), кои се соочуваат со низа кривични обвиненија во САД и Велика Британија, наводно поседувале залиха пасоши со лажни имиња за да патуваат во странство — меѓу нив и една личност преземена од роман за Џејмс Бонд.

Во судските документи се наведува дека Тристан имал мексикански пасош со својата фотографија и датум на раѓање, но со името „Владимир Скорпиус“, главниот негативец во романот за 007 „Скорпиус“. Тристан исто така објавил видео на брод во кое вели: "Јас сум Владимир Скорпиус", и регистрирал британска компанија наречена „Скорпиус Лдт.“, можна алузија на фиктивниот трговец со оружје од романот од 1988 година напишан од Џон Гарднер.

Според документите, Ендру отворено се фалел на социјалните мрежи дека има „8 животи… 8 дозволи и пасоши“. Обвинителите тврдат дека ваквите изјави и материјали покажуваат дека браќата имале пристап до повеќе патни документи и биле подготвени да користат лажни идентитети за да избегнат органите на прогонот.

Обвинителите предупредуваат на ризик од бегство и влијание врз сведоците

Британските обвинители во пријавите поднесени пред федерален суд во Флорида посочуваат дека Ендру и Тристан поседувале патни исправи од Велика Британија, САД, Естонија, Нигерија, Полска и пацифичката островска држава Вануату. Амбасадата ги доставила документите како дел од спротивставувањето на барањата за кауција и наведува дека браќата претставуваат ризик од бегство и можат да се обидат да ги идентификуваат или да влијаат врз сведоците доколку бидат ослободени.

Браќата беа уапсени од американските маршали на боксерски настан во Мајами на 18 јули и се задржани во федерален притвор. Тие се противат на екстрадицијата во Велика Британија, каде се соочуваат со вкупно 59 обвиненија, меѓу кои силување, трговија со луѓе за сексуална експлоатација и кривични дела поврзани со непристојни снимки со дете и екстремна порнографија. Сослушувањето за нивниот притвор е закажано за денеска.

Фото: EPA-EFE/Robert Ghement