Од Струга до Премиер-лигата: Дитмир Хоџа потпиша за Лидс

Дитмир Хоџа од Струга е нов играч на Лидс — транфер што е прв од директна преселба на македонски фудбалер во Англија. Младото крило/напад на 21.08.2026. стави потпис на договор на четири години и привремено ќе работи со младинската екипа на клубот.

По извршените лекарски прегледи, Хоџа веќе е на тренинзите со младите во Лидс. Договорот го уредија неговите агенти Албан Сулејмани и Дени Бара, а трансферот следуваше само десет дена по неговиот 18-ти роденден.

Минатата сезона Хоџа настапуваше за Работнички, каде што не доби доволно минути, но кога беше употребен го покажа својот нос за голови: на 19 средби (околу 550 минути) запиша 4+2 голови во првенството и Купот, сѐ уште како 17-годишник. Претходно во својата младинска кариера играше и за Воска.

Договор и финансиски детали

Договорот е на четири години и предвидува бонуси поврзани со настапите за првотимците. Од трансферот ќе има финансиска корист и Работнички за годината која Хоџа ја мина во тој клуб, а трансферот е извршен додека тој беше слободен фудбалер, при што се почитуваат обврските кон претходниот клуб.

За почеток Лидс ќе го инкорпорира постепено: „Ќе почне со младинскиот тим на Лидс затоа што сениорите веќе стартуваат со настапите во Премиерлигата. Свесни сме дека на Хоџа ќе му треба одредено време да се прилагоди на животот и новиот тренажен процес, но ние сите цврсто веруваме дека тој брзо ќе се приклучи на првиот тим“, ни изјави Албан Сулејмани, менаџерот на фудбалерот кој е роден во Струга.

За младиот напаѓач ова е крупен скок од македонскиот шампионат кон еден од најпрестижните европски турнири и можност да го следи примерот на други наши играчи кои градеа кариера во странство.

Фото: прес-материјал од настанот