Anulohet rreli në Arabinë Saudite, kampioni vendoset në Sardenjë
FIA anulon garën e planifikuar më 12–15 nëntor për shkak të situatës së sigurisë — Sardenja (1–4 tetor) bëhet raundi final i 2026.
Sezona e Kampionatit Botëror të Rally-t përfundon më herët se sa ishte parashikuar, pasi FIA njoftoi anulimin e Ralit të Arabisë Saudite, që ishte planifikuar si raundi i 14-të dhe final për periudhën 12–15 nëntor.
Institucioni shpjegoi se shkak për anulimin është situata aktuale e sigurisë dhe pasiguria në rajonin e Lindjes së Mesme. FIA konfirmoi se gara e anuluar nuk do të zëvendësohet në kalendarin e 2026.
Sardenja bëhet finalja e sezonit
Me heqjen e Arabisë Saudite, Rali Sardenja, i planifikuar për 1–4 tetor, do të shërbejë si raundi i 13-të dhe përfundimtar i sezonit 2026 të WRC.
Anulimi ndikon direkt në garën për titullin e vozitësve. Elfyn Evans i Toyota-s udhëheq me 230 pikë, para shokut të tij të skuadrës Sami Pajari me 213, ndërsa Oliver Solberg është i treti me 209.
Janë maksimum 35 pikë në dispozicion në Sardenja, që do të thotë se kampioni i 2026 do të vendoset në rrelin final në ishull.
Foto: FIA @fia (X)
